Næringslivet står i dag i møte med stadig fleire og meir komplekse utfordringar som pregar alle bransjar – frå teknologisk utvikling og digitalisering til aukande krav til miljø og berekraft. Desse endringane skaper òg store moglegheiter. Korleis møter di verksemd teknologiske nyvinningar? Har de ein plan for å møte krav til miljøansvar og grøn omstilling?
Me i Næringshagen i Ryfylke jobbar med forretningsutvikling, og kan vere ein strategisk samarbeidspartnar for di verksemd. Det handlar både om å utvikle nye forretningsmodellar, vidareutvikle eksisterande produkt og tenester, identifisere nye marknader eller finne rett kompetanse og teknologi for å styrke konkurransekrafta. Eit konkret døme kan vere å hjelpe ei lokal verksemd med å tilpasse seg nye miljøkrav gjennom grøne forretningsmodellar, eller å støtte ei teknologibedrift i å utvikle ein digital plattform for betre kundedialog.
I tillegg jobbar me aktivt med å finne og formidle relevante støtteordningar, utviklingsprogram og samarbeidspartnarar som kan gi konkret verdi for verksemda di, både i dag og på lengre sikt.
Verksemda di kan også inngå ein samarbeidsavtale med oss og bli Målbedrift i Næringshageprogrammet. Som målbedrift får ein tilgong til gode utviklingsressursar til rabatterte prisar gjennom Næringshageprogrammet. Les meir om fordelar med Næringshageprogrammet her.
Det å stå som eigar, styremedlem eller i ei leiargruppe kan vera både krevjande og einsamt. Me i Næringshagen i Ryfylke ønsker å gi deg støtte og fagleg påfyll i rolla som leiar og ansvarstakar i næringslivet. I Næringshagen i Ryfylke arbeider me også for å kunne gi deg kunnskap, kompetanse, nettverk og eit fellesskap som leiar og ansvarstakar i næringslivet, som du kan ta med deg tilbake til di verksemd. Dette gjer me mellom anna gjennom ulike kurs, seminar, mentorprogram, kompetanseprogram og nettverksarener.
Etablerte bedrifter i Suldal kommune har også tilgang til 3 gratis rådgivingstimar gjennom oppdragsavtalen me har med Suldal kommune. Ta kontakt dersom dette er aktuelt –me tar gjerne ein uforpliktande prat om behov, utfordringar eller utviklingsønskjer.
