Rekruttering

For å sikre eit aktivt næringsliv, ikkje berre i dag, men også for framtida, veit me at me er avhengige av ny og kvalifisert arbeidskraft som også kan møte dei nye behova som næringa treng i møte med framtida sine utfordringar og moglegheiter. På grunn av dette brenn me i Næringshagen i Ryfylke for prosjekt og arbeid der ein knyter eksisterande næringsliv opp mot framtidas arbeidskraft i samarbeid med kommune, skular, utdanningsinstitusjonar og andre organisasjonar.

Målet med arbeidet er å skape vinn-vinn situasjonar mellom næringa og den yngre generasjon. Her får næringa synleggjort bedrifta si og eigne behov til dei som no står i møte med val for vidare karriereveg, ein styrkjer attraktiviteten til regionen som ein heilskap og ein kan bevisstgjera ungdommen på kva former for arbeidskraft ein treng i framtida. For ungdommen sin del vil ein kunne tileigne seg kunnskap om næringslivet i regionen, ein vil få kjennskap til kva karrieremoglegheiter som finst og ein vil tileigne seg kunnskap om korleis ein blir attraktiv på jobbmarknaden.