Me i Næringshagen i Ryfylke ser at reiselivet er ein viktig pådrivar og tilretteleggar for eit attraktivt og godt bygdeliv, og at næringa også spelar ei viktig rolle i samfunnsutviklinga. Gjennom "det nye reiselivet" der fokuset er på vinn-vinn løysingar mellom miljø, lokalbefolkning og gjester for i dag og for framtida ser me at reiselivet, når det er utvikla på ein god måte, også bidrar til å verne om naturmangfald og kulturarv, erein pådrivar for aktive og attraktive grender og vidare skapar bulyst, arbeidsplassar og stolte innbyggjarar.
Gjennom ei årrekke har Næringshagen i Ryfylke vore involvert i reisemålsutviklinga i Suldal, i tett samarbeid med Suldal kommune, Suldal Næringsforening og privat næringsliv. Her var ein mellom anna initiativtakar til at Suldal blei merka som "Berekraftig Reisemål" i 2020, som eit av dei første 15 i landet. Dette blei følgt opp gjennom drift av destinasjonsleiing, utvikling av reisemålsstrategi og oppfølging av handlingsplan år for år, med remerking i 2023. I tillegg har ein hatt ei rekke ulike driftsoppgåver, utviklingsprosjekt og etablert merkevara Visit Suldal. Næringshagen i Ryfylke har også vore involvert ulike utviklingsprosjekt i Ryfylke, i samarbeid med Reisemål Ryfylke, kommunane og privat næringsliv.
Med utgangspunkt i erfaringane frå Suldal tok Næringshagen i Ryfylke i 2022 initiativ til å samle reisemåla i landet som arbeider under Merkeordninga "Berekraftig Reisemål" til eit felles nasjonalt reiselivsnettverk. Her tilrettelegger ein for mellom anna vekstprogram, vertskapskurs, nettverksarenaer, produktutvikling, profileringsarbeid og meir.
