Våre målbedrifter

Om Næringshageprogrammet

Næringsprogrammet er eit nasjonalt program som har som mål å arbeide for levande lokalsamfunn og vekst i heile landet, der ein har eit særskild fokus på distrikta. Gjennom SIVA har ein etablert omlag 40 næringshagar som ligg i distriktskommunar over heile landet, og som gir næringslivet i desse områda tilgong på tilskot, kompetanse og verktøy. Næringshagen i Ryfylke er ein av desse næringshagane.

Det nasjonale næringshageprogrammet har følgjande målsettingar:

• Leggje til rette for bedriftsetableringar, vidareutvikling og vekst i eksisterande bedrifter.
• Leggje til rette for auka verdiskaping i målbedriftene.
• Bidra til økonomisk meirverdi for målbedriftene.
• Bidra til å lette tilgang til internasjonale marknader og samarbeidspartnarar for målbedriftene.
• Bidra til kopling til relevante nettverk regionalt, nasjonalt og internasjonalt.
  

Korleis delta i næringshageprogrammet?

Små og mellomstore bedrifter kan delta i næringshageprogrammet gjennom Suldal Vekst ved å teikne ein utviklingsavtale. Denne avtalen gir bedrifta di tilgang på nettverk og dei ressursane næringshagen har tilgjengeleg til ei kvar tid, du vil få ein fast kontaktperson i næringshagen og bedrifta vil kunne motta rabatterte innovasjonstenester. Me kallar desse verksemdene våre for "Målbedrifter".

Her er nokre av fordelene du får tilgong på som Målbedrift:

• Ein årleg utviklingssamtale og seks timar med årleg bistand frå Næringshagen
• Tilgong på eit kompetanseforum med ulike kurs, workshops, studier og andre arrangement.
• Tilgong på ulike bedrifts- og utviklingsprogram som VekstProgram, VekstSpor, VekstPartner og meir.
• Kostnadsfri profilering