Kompetanseprogrammet DigitalVekst er eit tilbod innan digitalisering som me tilbyr for at bedrifter skal kunne auke kunnskapen sin og stå sterkare i møtet med den digitale utviklinga.
Me inviterer målbedrifter og andre som ser behov for å løfte den digitale kompetansen sin. I tillegg til eit digitalt kunnskapsløft, er målet at ein ved gjennomført program skal ha utarbeidd sin eigen digitaliseringsstrategi og vegkart for korleis bedrifta kan møte det digitale skiftet.
Enkelt forklart betyr digitalisering å bruke teknologi til å forbetre, forenkle og fornye måten ein utfører oppgåvene sine på. Digitalisering gjer det mogleg å jobbe meir effektivt, tilby betre tenester og produkt, eller skape heilt nye tenester og produkt.
Programmet er skreddarsydd for aktuelle digitale utfordringar som dagens verksemder står overfor, og passar godt for små og mellomstore bedrifter. Typiske emne i programmet er digital marknadsføring og strategi, kunstig intelligens (KI/AI), digital tryggleik og datasikkerheit, GDPR og endringsleiing.
Vekstprogrammet går over 4 - 5 samlingar, og er sett saman av faglege føredrag, erfaringsdeling og workshops. Inkludert i programmet er ei kartlegging av kvar deltakarbedrift som viser kor moden bedrifta er digitalt, samt den digitale kompetansen til bedriftene. Mellom samlingane vil deltakarbedriftene òg få individuell oppfølging frå forretningsutviklarar i Næringshagen.
Programmet blir utarbeidd i samarbeid med sentrale aktørar innanfor sine fagfelt.
