Matskattar frå Suldal

Som eit resultat av eit auka ønskje om lokal mat frå besøkjande og ei større satsing på lokale råvarer i reiselivsbransjen, parallellt med at fleire aktørar i landbruket satsar på foredling, sal av eigne produkt og gardsbesøk ser me viktigheita av å knyte reiselivet og landbruket tettare på kvarandre for å styrkje reisemålet som ein matdestinasjon. I satsinga "Matskattar frå Suldal" kjem 17 lokale matentreprenørar frå landbruk og reiseliv saman for å bygge kompetanse, utvikle produkt og bygge matdestinasjonen Suldal i fellesskap.

‍

‍

I 2022 gjekk Suldal Næringforening v/Reiselivsgruppa, Næringshagen i Ryfylke og ei rekke private aktørar inn for ei årleg felles satsing kalla "Matskattar frå Suldal" der målet var å sikre tettare samarbeid og kortare avstand mellom aktørane, fleire felles satsingar og felles promotering og merkevarebygging. Aktivitetar som inngjekk i dette arbeidet var mellom anna ein TV-serie på 12 episodar på TV Haugaland, fem nettverkssamlingar, video- og bildeproduksjon, kampanjar og pressearbeid, etablering av felles landingsside og brosjyre og meir. Forprosjektet fekk støtte av Rogaland fylkeskommune.

I 2023 vidareførte Næringshagen i Ryfylke, i tett samband med Suldal Næringsforening v/Reiselivsgruppa, forprosjektet inn i eit hovudprosjekt som vil gå over tre år.

Hovudmålsetninga til prosjektet er som følgjer:

• Å sikre tettare samarbeid på tvers av reiselivet og landbruket gjennom felles nettverksarenaer, møteplassar, kurs og andre felles satsingar
• Å arbeide for auka kvalitetssikring, leverandørsikkerheit og historieformidling rundt lokalmatproduktet
• Å arbeide med produkt- og konseptutvikling for den enkelte aktør og i fellesskap
• Å utvikle felles opplevingar og pakkar for matturisten i vår region
• Å styrkje merkevara til matdestinasjonen Suldal og kvar enkelt deltakar lokalt, regionalt og nasjonalt, åleine og kopla opp mot andre relevante satsingar

Gjennom prosjektperioden har ein mellom anna sett følgjande resultat:

• Styrkja samarbeidsevne og tillitt på tvers av lokalmataktørane
• Styrkja omdømme for deltakarane og matdestinasjonen Suldal som ein heilskap
• Ei rekke felles møteplassar og kompetansehevande tiltak, som mellom anna studietur til Hardanger, kurstilbod frå NOFIMA, inspirasjonsføredrag frå mellom anna Hanen og siderklynga, m.m.
• Ei rekke nye produkt og satsingar, frå enkeltdeltakarar eller gjennom eit samarbeid på tvers av fleire deltakarar.
• Gjennomføring av ulike arrangement, som Matgilde frå Suldal, Kortreist, Ryfest, m.m.
• Felles merkvarebygging og auka synlegheit for deltakarane, gjennom promotering, profilering og utvikling av produktbeskrivingar for alle deltakarane
• Etablering av felles retningslinjer for promotering av lokalmatprodukt i Suldal, gjennom matmanifest og felles standard for synleggjering

Les meir om satsinga her.