Landbruket har ein lang tradisjon i vår region, og i dag ser me at det er auka interesse for lokale, kortreiste og unike produkt - der ein gjerne kombinerer tradisjon, innovasjon og berekraft.
I Næringshagen i Ryfylke har me verkemiddel, nettverk og program som kan hjelpe deg som ønskjer å vidareutvikle tilboda på garden din, anten det er i form av produktutvikling og gardsturisme, promotering og marknadsføring, marknad og sal eller forretningsutvikling og økonomi. Her har me kontakt med lokale leverandørar, lokalt og regionalt reiseliv og kompetansenettverk som NOFIMA, Matregionen Rogaland, næringshageprogrammet og det nasjonale reiselivsnettverket NDBR.
Saman med det offentlege og privat næringsliv legg me også til rette for nettverksarenaer og felles satsingar for å bygge koplingar på tvers av lokalmatentreprenørar, andre relevante næringar - samt bygge vår region som ein sterk matdestinasjon.
