Ryfylkedagane er den årlege folkefesten i Suldal – ein tradisjon som har samla små og store i over 30 år. Festivalen blir arrangert første helga i juni og er eigd av Suldal Næringsforening. Her møtest fastbuande, hyttefolk og tilreisande til ei helg fylt med liv og aktivitet over heile kommunen.
Festivalen består av ein stor marknadsdag med over 80 utstillarar, ungdomsarrangement, konsertar, familieaktivitetar og ei rekkje lokale tilstellingar. Det er ei helg der heile Suldal viser fram breidda i kulturliv, næringsliv og frivillig engasjement – og der lokalt samarbeid står i sentrum.
I perioden 2010-2024 har Næringshagen i Ryfylke hatt rolla som prosjektleiar for Ryfylkedagane, på oppdrag frå Suldal Næringsforening. I denne perioden har næringshagen hatt ansvar for ei rekkje oppgåver, mellom anna:
- Forankring og involvering på tvers av prosjektgruppa, samarbeidspartnarar og lokalsamfunn
- Promotering, kommunikasjon og marknadsføring av festivalen
- Utvikling av program i samarbeid med bidragsytarar og arrangørar
- Administrering av utstillarar og marknadsområde
- Koordinering av konsertar, aktivitetar og arrangement
- Arbeid med miljøsertifisering – Ryfylkedagane blei som den første festivalen i Ryfylke miljøsertifisert, med konkrete tiltak for å redusere avfall, transportutslepp og miljøbelastning
Gjennom arbeidet har målsetninga vore å sikre at Ryfylkedagane står fram som både eit kulturelt høgdepunkt og ei viktig arena for lokalt næringsliv, samarbeid og stoltheit.
Du kan lese meir om festivalen her.
