Gladmat

Gladmat er eit av landet sine største matfestivalar, der smaksopplevingar og serverings-stands blir sett opp på tvers av Stavanger sentrum. Arrangementet er ein flott arena for lokalmatentreprenørar å vise fram sine produkt, samtidig som ein bygger omdømmet til regionen.

Næringshagen i Ryfylke har vore involvert i Gladmaten tre ulike år: i 2011 inn mot Suldal si eigen stand, i 2017 der Suldal gjennom eit Ryfylkesamarbeid og i 2025 der Suldal og Hjelmeland sto samla på ein Ryfylkestand.

I 2025 sto Suldal kommune som prosjekteigar, med Næringshagen i Ryfylke som prosjektleiar. Her deltok ei rekke reiselivs- og landbruksbedrifter, som også har arbeidd saman gjennom Matskattar frå Suldal-prosjektet. Ekstra stas var det når statsminister og kunnskapsminister kom til lunsj! Suldal sin stand fekk også tildelt prisen "Årets Gladmatoppleving".

I tillegg hadde Næringshagen i Ryfylke i 2025 eit prosjekt for felles omdømmebygging og marknadsføring for Ryfylke-standen under tittelen "Smak deg gjennom Ryfylke", der ein samarbeide med Suldal kommune, Hjelmeland kommune, Reisemål Ryfylke og privat næringsliv. "Smak deg gjennom Ryfylke" og Suldal sin stand fekk også støtte frå Ryfylkefondet.