Kurs i KI i praksis – del 1 av 4

Kurs i KI i praksis – frå idé til arbeidsflyt

Dette er samling 1 av 4 (tysdag 26. januar 2027). Påmeldinga gjeld heile kurset, alle fire samlingane.

Dette går vi gjennom på samling 1

Vi startar med det grunnleggjande: kva KI kan, kva det ikkje kan, og korleis du får gode svar. Du testar verktøya på dine eigne oppgåver, som e-post, tekst og oppsummeringar, og vi går gjennom kva ein ikkje skal leggje inn av personopplysningar og sensitiv informasjon.

• 09:00 Velkomen og kort introduksjon til KI
• 09:30 Prompting: korleis få gode svar
• 10:15 Test på eigne oppgåver: e-post, tekst og oppsummering
• 11:00 Personvern: kva ein ikkje skal leggje inn
• ca. 11:30 Lunsj
• 12:00 Meir testing og erfaringsdeling
• 13:00 Avslutning og heimeoppgåve: kartlegg tidstjuvane i bedrifta

Agendaen er retningsgivande og kan bli justert etter behovet i gruppa.

Næringshagen i Ryfylke tilbyr eit praktisk kurs i bruk av kunstig intelligens (KI) for bedrifter. Over fire samlingar testar du KI-verktøy på eigne oppgåver, og du får hjelp til å finne prosessar i bedrifta der KI kan gjere kvardagen enklare.

Kven er kurset for?

Bedrifter som vil ta i bruk KI på ein praktisk måte. Kurset har maks 10 plassar.

Før kurset

Tenk gjennom kva oppgåver i bedrifta som tek mykje tid, eller som du gjerne vil gjere enklare.

Program (4 samlingar)

• Samling 1, tysdag 26. januar 2027
• Samling 2, tysdag 9. februar 2027
• Samling 3, tysdag 2. mars 2027
• Samling 4, tysdag 16. mars 2027

Oppfølging

Mellom samlingane får kvar bedrift oppfølging og hjelp til å finne prosessar å bruke KI på. Oppfølgingssamling tysdag 27. april 2027.

Ta med

Eigen berbar PC og tilgang til ChatGPT eller Claude.

Tid og stad

Kl. 09:00–13:00 kvar samling, inkludert lunsj. Næringsparken, Garaneset, Sand.

Pris

15 000 kr eks. mva. per bedrift.

Målbedrift i Næringshagen i Ryfylke?

Er verksemda di målbedrift hos oss, kan du få inntil 50 % dekt gjennom innovasjonsstøtta frå næringshagen. Ta kontakt med oss før du melder deg på.

Påmelding

Påmelding til Alf Aadnøy på alf@nhryfylke.no. Maks 10 plassar.

Har du spørsmål om kurset, kan du kontakte Alf Aadnøy på alf@nhryfylke.no eller 905 66 358.